jueves, 9 de diciembre de 2010

N´asturianu queda guapo





Presentemos esta mañana, na escuela local Elena Sánchez Tamargo, la campaña “N’asturianu queda guapo”. L’actividá va dirixía a los neños y neñes escolarizaos n’educación primaria y consiste na edición de carteles con vocabulariu básicu en llingua asturiana. Hai seis modelos diferentes: el monte, la ribera, la casería, les estaciones, el cuerpu humanu per dientro y la vistimienta.

Los carteles compleméntense con fiches pa pintar. Esti material va repartise nos próximos díes nes escueles, biblioteques, centros de salú y ludoteques del conceyu. El vocabulariu presente nos carteles ta adaptáu a la variante llingüística de la zona, p’asegurar que los neños y neñes s’identifiquen colos términos usaos. Les ilustraciones de los carteles son un trabayu de Sidoro Villa.


L’oxetivu de la campaña ye, en primer llugar, consolidar el conocimientu que los neños y neñes tienen sobre la llingua asturiana, amplialu y facer por que sigan usando l’asturianu con normalidá. En segundu llugar, esta iniciativa quier afalar a les families a siguir tresmitiendo l’asturianu a los rapacinos y rapacines, porque ye nellos onde ta’l futuru de la llingua asturiana.


N’últimu llugar, esta actividá faise col envís d’apurrir al profesoráu material didácticu n’asturianu, amás de concienciar a maestros y maestres de la necesidá de que l’asturianu tea presente na escuela, pa dignificar l’idioma y evitar que los escolinos caigan na diglosia, ye dicir, qu’acaben usando la llingua asturiana namás nel ámbitu familiar.

3 comentarios:

Anónimo dijo...

parezme de risa que se quiera enseñar una lengua que la mayoria de los guajes dominen a la perfección incluso mejor que los profesores. Yo no tengo fios pero si los tuviera gustariame que aprendieran inglés y francés o alemán pa poder defendese el dia de mañana y no andar con bable que no sirve pa na

JOSE GONZÁLEZ DÍAZ dijo...

Servirá cuando los defensores de la oficialidá la llevemos a la práctica. Así que no está de más que nadie conoczca el Asturianu.

Yo tengo clara la postura, hay que rescatar nuestra llingua de la cuneta donde algunos la han situado. Una vez rescatada que la use quien quiera, eso es lo sano cuando se juega en igualdad, que puedes escoger.


Un saludu.

Anónimo dijo...

completamente de acuerdo, que la use quien quiera pero que no la impongan